Մեկ միլիոնից ավելի մարդ Է ստորագրել Կորեայի Հանրապետության նախագահ Մուն Չժե Ինի հրաժարականի պահանջով հանրագիրը՝ երկրում կորոնավիրուսային վարակի բռնկմանը դիմակայելու անկարողության համար: Տեղական ժամանակով 13:00-ի (Երեւանի ժամանակով 08:00-ի) դրությամբ պետության ղեկավարի վարչակազմի կայքում զետեղված փաստաթուղթն ստորագրել Է 1,017 մլն մարդ: Դեռ նախօրյակին նրանց թիվը 500 հազար Էր:
Հանրագիրը խիստ քննադատություն Է բովանդակում Մուն Չժե Ինի հասցեին, որը, դրա հեղինակների կարծիքով, չկարողացավ արդյունավետ միջոցներ ձեռնարկել ինչպես երկիր վարակի ներթափանցումը կանխելու, այնպես Էլ Հարավային Կորեայում վիրուսի հայտնվելուց հետո դրա տարածումը զսպելու համար: Փաստաթուղթը կազմողները, մասնավորապես, կառավարությանը քննադատել են այն բանի համար, որ նա Չինաստանի հետ սահմանը չփակեց, երբ հիվանդության բռնկումը հարեւան երկրում վտանգավոր մասշտաբների Էր հասել:
Հանրագրի հեղինակները Մուն Չժե Ինին մեղադրել են այն բանում, որ նա պաշտպանել Է ոչ թե սեփական երկրի, այլ ՉԺՀ-ի շահերը: «Մուն Չժե Ինն իրեն այնպես Է պահում, ասես նա ոչ թե Հարավային Կորեայի, այլ Չինաստանի նախագահը լինի»,- նշվում Է տեքստում: «Չնայած Կորեայում բժշկական դիմակների դեֆիցիտին, Մուն Չժե Ինը 3 մլն դիմակ Է ուղարկել Չինաստան եւ ոչ մի միջոց չի ձեռնարկել դրանց գների աճը կանգնեցնելու համար»,- նշում են փաստաթղթի հեղինակները:
Ինչպես ավելի վաղ հայտնել Է KBS հեռուստաալիքը, այն դեպքում, եթե հանրագիրը հավաքի ավելի քան 200 հազար ստորագրություն, իշխանությունները պարտավոր են արձագանքել դրան: Տվյալ դեպքում դա պետք Է տեղի ունենա մարտի 4-ից ոչ ուշ: Կորեայի Հանրապետության առողջապահության նախարարությանն առընթեր հիվանդությունների վերահսկողության եւ կանխարգելման կենտրոնների կազմակերպությունը փետրվարի 27-ին հայտնել Է, որ երկրում գրանցվել Է նոր տիպի կորոնավիրուսով վարակման 171 նոր դեպք: Այդպիսով՝ Հարավային Կորեայում վարակվածների ընդհանուր թիվը հասել Է 1766-ի, հաղորդում է «Արմենպրեսը»՝ հղում անելով ՏԱՍՍ գործակալությանը:
