Մրցույթ ԵԽԽՎ ԽԱՆՎԿՊԿ հանձնաժողովում ՀՀ ներկայացուցչի համար

Մրցույթ ԵԽԽՎ ԽԱՆՎԿՊԿ հանձնաժողովում ՀՀ ներկայացուցչի համար
Մրցույթ ԵԽԽՎ ԽԱՆՎԿՊԿ հանձնաժողովում ՀՀ ներկայացուցչի համար
Հեղինակ MediaLab

Եվրոպայի խորհրդի խորհրդարանական վեհաժողովում (ԵԽԽՎ) Հայաստանի Հանրապետության պատվիրակության ղեկավար Դավիթ Հարությունյանը հայտարարել է մրցույթ` Խոշտանգումների եւ անմարդկային կամ նվաստացնող վերաբերմունքի կամ պատժի կանխարգելման եվրոպական հանձնաժողովում (CPT) Հայաստանի ներկայացուցչի տեղի համար:

Այդ մասին տեղեկացնում են ՀՀ ԱԺ-ից:

«Վավերացնելով «Խոշտանգումների եւ անմարդկային կամ նվաստացնող վերաբերմունքի կամ պատժի կանխարգելման մասին» եվրոպական կոնվենցիան` Հայաստանի Հանրապետությունը հնարավորություն ունի առաջադրել Խոշտանգումների եւ անմարդկային կամ նվաստացնող վերաբերմունքի կամ պատժի կանխարգելման եվրոպական հանձնաժողովի անդամ»,- գրված է ԱԺ-ից տարածված հաղորդագրության մեջ:

Ըստ այդմ, համաձայն կոնվենցիայով հաստատված ընթացակարգերի`  ԵԽԽՎ-ում Հայաստանի Հանրապետության պատվիրակության ղեկավարը ԵԽԽՎ գլխավոր քարտուղարին պետք է ներկայացնի երեք թեկնածություն, որոնցից կընտրվի Հայաստանը ներկայացնող հանձնաժողովի անդամը:

Մրցույթին մասնակցել ցանկացողները պետք է ունենան բարձրագույն կրթություն` ցանկալի է իրավաբանի, բժշկի կամ հոգեբանի մասնագիտությամբ: Նախընտրելի են բանտային համակարգում աշխատանքի փորձ ունեցող մասնագետներ: Թեկնածուները պետք է գերազանց տիրապետեն ԵԽ պաշտոնական լեզուներից առնվազն մեկին` անգլերենին կամ ֆրանսերենին:

Մրցույթի արդյունքները կհրապարակվեն մինչեւ 2011 թվականի սեպտեմբերի 5-ը:

© Medialab.am