Ժողովրդական դերասանուհի Վարդուհի Վարդերեսյանը «Հրապարակի» լրագրողի հետ խոսելով «Հարսնաքարի» դեպքի, Վահե Ավետյանի մահվան մասին, ասել է, թե թերահավատ է, որ ինչ-որ մեկը կպատժվի, առավել եւս՝ ռեստորանի սեփականատեր, ՀՖՖ նախագահ Ռունեն Հայրապետյանը.
«Զուր է, աղջիկս, այդ մարդն այնքան զորեղ է, այնքան փող ունի, եւ առաջին անգամ չէ, որ կոծկվում է ամեն ինչ, զուր է, մեզ բանի տեղ դնողներ չկան: Լռել չի լինում, բայց մեռանք խոսելով՝ լսող չկա: Դուք կարծում եք, որ նրան կհանե՞ն պառլամենտից… ոոոչ… արդարացման ձեւ կգտնեն, կասեն՝ նա միայն այդ ռեստորանի տերն է եւ պատասխանատու չէ այդ կռվի համար, նա կարող է անգամ ամբաստանի, ասի՝ հանցանքը մեռնողինն է, ոչ թե մեռցնողինը: Ես ընդհանրապես այդ ռեժիմին դեմ եմ, այդ օլիգարխ կոչեցյալներին, մի մարդու անուն, որ Նեմեց Ռուբո լինի, նա ի՞նչ իրավունք ունի դեպուտատ լինելու,-«Հրապարակին» ասել է շողովրդական դերասանուհին: Նա այն օլիգարխներից մեկն է, որով մեր պետությունն ապրում է: Իսկ մենք չունենք մտավորականներ, որ ասեն «այո» այսպիսի դեպքերում… Ռոբերտ Ամիրխանյա՞նն «այո» կասի, թե՞ Ռազմիկ Դավոյանը… դրա՞նք են մեր մտավորականները, դա մեր տրագեդիան է, որ չունենք մտավորականներ…»:
© Medialab.am
