«Բոլորս նեղվում եւ անհանգստանում ենք հասարակական մթնոլորտի բթությունից եւ ճահճացումից, իսկ վերջին շրջանի հասարակական-քաղաքական ակտիվությունը կարծես արտիստիկ տարրեր է մտցնում մեր կյանք»,-այսօր «Հայելի» ակումբում ասաց թատերագետ Արա Խզմալյանը:
Բանախոսը խորհրդանշական համարեց այն իրադրությունը, երբ Մաշտոցի պուրակում հավաքված ակտիվիստները թուjլ չէին տալիս կրպակներ տեղադրել. «Ծննդատան կողքին քաղաքացիական մշակույթ էր ծնվում, ինչը դրական եմ գնահատում: Մտավախություն ունեմ այն մարդկանց առնչությամբ, ովքեր կարծում են, թե տեր են այս հասարակությանը եւ միջավայրին: Նրանք, ովքեր թքած ունեն երկրում տեղի ունեցող իրադարձությունների վրա, կարծես խոպանում ապրելիս լինեն: Մինչդեռ մյուսներն իրենց եւ ընտանիքների ապագան կապում են այստեղի հետ»:Կարդալ ավելին
