Այսօր Ազգային ժողովում ԱԺ-կառավարություն հարցուպատասխանի ժամանակ վարչապետ Նիկոլ Փաշինյանը պատասխանելով Լուսավոր Հայաստանի պատգամավորին, հայտարարել է, որ ինքը կոշտ է հակազդում այն հայտարարություններին կամ ակնարկներին, որ ինքը կապ ունի կոռուպցիայի հետ։
«Ես այս կարգավիճակում գտնվելու պատմություն ունեմ և որևէ մեկին թույլ չեմ տա կասկածի տակ դնել այդ պատմությունը՝ լինի դա ընդդիմություն, թե իշխանություն՝ նախկին կամ ներկա», -հայտարարել է վարչապետը։