Այսօր՝ հունիսի 1-ի, առավոտյան վարչապետ Նիկոլ Փաշինյանի հետ հեռախոսազրույցում Մեծի Տանն Կիլիկիո Արամ Ա կաթողիկոսը շուտափույթ ապաքինում է մաղթել վարչապետին ու նրա ընտանիքին, նաեւ հետաքրքրվել Հայաստանում տիրող իրավիճակով, մասնավորապես համաճարակով պայմանավորված խնդիրներով, տեղեկացնում են Անթիլիասից։
Վարչապետ Փաշինյանն, ըստ աղբյուրի, պարզաբանումներ է ներկայացրել կորոնավիրուսի տարածումը կանխարգելելու ջանքերի մասին, նաեւ անդրադարձել Հայաստանի տնտեսական դրությանը:
Նիկոլ Փաշինյանը հետաքրքրվել է Մեծի Տանն Կիլիկիո Կաթողիկոսության ու մասնավորապես Լիբանանի դիմագրաված դժվարություններով: Վեհափառ Հայրապետն ընդհանուր գծերով ներկայացրել է Կիլիկիո կաթողիկոսության թեմերի եւ Լիբանանի իշխանությունների ձեռնարկած քայլերը։