Լ. Զուրաբյան. «Ինչքան անհանգստանան, այնքան շատ ադրենալին կարտադրվի»

Լ. Զուրաբյան. «Ինչքան անհանգստանան, այնքան շատ ադրենալին կարտադրվի»
Լ. Զուրաբյան. «Ինչքան անհանգստանան, այնքան շատ ադրենալին կարտադրվի»
Հեղինակ MediaLab

Վարդան Օսկանյանի՝ նախագահի թեկնածու առաջադրվելու հարցը ոչ մի տեղ չի քննարկվել: Այսօր կայացած մամուլի ասուլիսում, պատասխանելով լրագրողներից մեկի հարցին՝ Վարդան Օսկանյանի՝ ընդդիմության միասնական թեկնածու լինելու վերաբերյալ, ասաց ՀԱԿ խմբակցության ղեկավար Լեւոն Զուրաբյանը: Նա ընդգծեց, որ ՀԱԿ-ն ունի իր թեկնածուն՝ հանձինս Լեւոն Տեր-Պետրոսյանի, սակայն անմիջապես հավելեց, որ Տեր-Պետրոսյանի առաջադրման վերաբերյալ վերջնական որոշում դեռ չկա:

«Մինչեւ օրենքով սահմանված ժամկետը մենք այդ հարցին կպատասխանենք»,- ասաց Լեւոն Զուրաբյանը: Լրագրողների դիտարկմանը, թե Լեւոն Տեր-Պետրոսյանի լռությունն արդեն անհանգստացնում է, Լեւոն Զուրաբյանն արձագանքեց. «Շատ լավ է, թող անհանգստանան: Ինչքան անհանգստանան, այնքան շատ ադրենալին կարտադրվի: Մենք պետք հասկանանք՝ ինչ ռեսուրսների տեր ենք նաեւ դաշնակիցների առումով: Պետք է հասկանանք նաեւ հետընտրական զարգացումներում ինչ խնդիրներ ենք ունենալու: Այդ ամբողջի վերլուծությունը դեռ ընթացքի մեջ է»:  Կարդալ ավելին