Reuters գործակալությունը տեղեկացնում է, որ գիտնականները նախազգուշացրել են կորոնավիրուսների հետ կապված ուղեղի վնասվածքի հավանականության մասին, քանի որ նոր ձեռք բերված տվյալները ցույց են տալիս, որ COVID-19-ը կարող է հանգեցնել լուրջ նյարդաբանական բարդությունների, ներառյալ բորբոքում, պսիխոզ և զառանցանք:
Լոնդոնի համալսարանական քոլեջի (UCL) հետազոտողների անցկացրած ուսումնասիրության մեջ ներառված COVID-19-ով հիվանդներից 43-ի դեպքում արձանագրվել են ուղեղի ժամանակավոր դիսֆունկցիա, ինսուլտ, նյարդային վնասվածքներ կամ ուղեղի այլ լուրջ վնասվածքներ:
Վերջերս կատարված այլ ուսումնասիրություններ ևս պարզել են, որ հիվանդությունը կարող է վնասել ուղեղը:
«Ինձ անհանգստացնում է այն, որ մենք այժմ ունենք COVID-19-ով վարակված միլիոնավոր մարդիկ: Եվ եթե մեկ տարվա ընթացքում ունենանք մոտ 10 միլիոն բուժված մարդիկ, և այդ մարդիկ ունենան կոգնիտիվ խնդիրներ, ապա դա կազդի նրանց աշխատունակության և առօրյա կյանքի վրա»,- ասել է Կանադայի Արևմտյան համալսարանի նյարդաբան Ադրիան Օուենը Reuters-ի հետ հարցազրույցում։
MediaLab.am