Իտալիայում արտակարգ դրությունը կարող է երկարաձգվել մինչև դեկտեմբերի 31-ը

Հեղինակ MediaLab

Կորոնավիրուսի դեմ պայքարի շրջանակներում Իտալիայում արտակարգ դրությունը կարող է երկարաձգվել մինչև դեկտեմբերի 31-ը։ Ինչպես տեղեկացնում է «Արմենպրես»-ը, վկայակոչելով ՏԱՍՍ-ը, այս մասին հայտնում է իտալական ANSA լրատվական գործակալությունը։

Գործակալության տվյալներով՝ պաշտոնական որոշում դեռ չի կայացվել:

Ավելի վաղ, Իտալիայի վարչապետ Ջուզեպպե Կոնտեն նշել էր, որ արտակարգ դրությունը, որը լրանում է հուլիսի 31-ին, հավանաբար երկարաձգվելու է: Միևնույն ժամանակ, նա պարզաբանել էր, որ դա կառավարությանը թույլ կտա արագորեն ձեռնարկել անհրաժեշտ միջոցներ ծայրահեղ իրավիճակների դեպքում: