«Շատ լավ մարդ էր, ժողովրդական մարդ էր, թշնամիներ չուներ, իր սպանությունը ոչ մեկին էլ ձեռնտու չէր: Ինքը ժողովրդին էր հարգում, ժողովուրդն իրեն, աշխատող մարդ էր, գյուղի համար շատ բան է արել, բարեկարգել էր փողոցները, կանաչապատել եւ այլն»,- այսպես արտահայտվեցին Կոտայքի մարզի Պռոշյան գյուղի բնակիչները իրենց գյուղապետ Հրաչ Մուրադյանի մասին:
Գյուղապետի սպանությունը համագյուղացիների համար առեղծված է, սակայն նրանցից ոմանք մի բան նշեցին՝ Հրաչ Մուրադյանը թշնամիներ չուներ, բայց հնարավոր է՝ սպանությունը կապված լինի փետրվարին կայացած նախագահական ընտրությունների հետ: Քանի որ Մուրադյանը արդար մարդ էր, այդպես նշեցին համագյուղացիները, չէր հանդուրժում կեղծիքները, իսկ Պռոշյան գյուղում նախագահական ընտրությունների ժամանակ հաղթել էր Սերժ Սարգսյանը: Ի դեպ, Նաիրիի քննչական բաժանմունքի պետ Արսեն Սարգսյանը դժվարացավ պատասխանել հարցին՝ սպանությունը ընտրությունների հետ կապ ունե՞ր, թե՝ ոչ, միայն նշեց, որ իրենք քաղաքականությամբ չեն զբաղվում, իսկ մնացած հանգամանքները նախաքննության ընթացքը ցույց կտա:
Ամբողջական հոդվածը կարող եք կարդալ այս հասցեով՝ http://www.aravot.am/2013/04/02/225858/
