Այս տարվա հունվարից «Արտոնագրային վճարների մասին» օրենքով ստոմատոլոգիական կլինիկաների համար սահմանված հարկերը ոլորտի մասնագետների արտագաղթի պատճառ են հանդիսացել: Մարզերում և Երևանում այս փուլում փակվում են ստոմատոլոգիական կլինիկաները, իսկ մասնագետներն արտագաղթում են: Այս մասին Lragir.am-ի հետ զրույցում ասաց հանրապետության գլխավոր ստոմատոլոգ Լազեր Եսայանը` նշելով, որ ցավալին այն է, որ երիտասարդ մասնագետներն են արտագաղթում:
«Կլինիկաները փակում են, կռեսլոներն են փակում, այսինքն` կրճատումներ են անում: Օֆիցիալ տվյալներ չունեմ, բայց նման իրավիճակ է: Փաստացի կան մասնագետներ, որոնց ես գիտեմ, արդեն մեկնել են երկրից` ընդհուպ ատամնատեխնիկներ, բժիշկներ: Չեմ կարող ասել, թե արտագաղթողներն ինչ տոկոս են կազմում, բայց փաստն այդպիսին է: Հատկապես երիտասարդությունն է գնում, ինչը շատ ցավալի է»,- ասաց Լազեր Եսայանը:
Հարկերի բարձրացման արդյունքում բարձրացել են նաև ծառայության գները: Լազեր Եսայանի տեղեկացմամբ` որոշ կլինիկաներ գները բարձրացրել են 20-30 տոկոսով:
Ամբողջական հոդվածը կարող եք կարդալ այստեղ
