Տավուշի սահմանամերձ համայնքներում դպրոցների ապաստարանների վիճակը բարելավելու ուղղությամբ աշխատանք կտարվի: «Արմենպրես»-ի փոխանցմամբ՝ կառավարության նիստում այդ մասին նշեց Կրթության, գիտության, մշակույթի և սպորտի նախարար Արայիկ Հարությունյանը՝ ավելացնելով, որ Տավուշի մարզպետի հետ այցելել են մի շարք հրետակոծված գյուղերի դպրոցների ապաստարաններ, դիտարկում են իրականացրել։
«Մարզպետի հետ ունենք այդպիսի որոշում՝ ամբողջական մոնիթորինգ անելու և անհրաժեշտության դեպքում այստեղ նույնպես միջոցներ հատկացնելու՝ ապաստարանների վիճակը բարելավելու համար։ Ընդհանուր առմամբ, դպրոցներն ունեն նման հնարավորություններ, բայց որոշակի փոփոխություններ անհրաժեշտ են»,- ասաց նախարարը։
