Վրաստանի նախագահ Միխեիլ Սաակաշվիլին սեպտեմբերի 25-ին ելույթ է ունեցել ՄԱԿ Գլխավոր Ասամբլեայի նստաշրջանի ժամանակ: Նրա ելույթը ներկայացնում ենք զգալի կրճատումներով: Ամբողջական տեքստին կարող եք ծանոթանալ Վրաստանի նախագահի պաշտոնական կայքում:
Այժմ երբ ես խոսում եմ, Արեւելյան Եվրոպայի երկրները, որոնք ձգտում են միանալ ազատ եւ ժողովրդավարական ազգերի եվրոպական ընտանիքին, ճնշումների եւ սպառնալիքների են ենթարկվում: Հայաստանն անկյուն է քշվել եւ հարկդրված է եղել ստորագրել Մաքսային միության փաստաթուղթը, որն այդ ազգի եւ տարածաշրջանի շահերից չի բխում: Մոլդովան շրջափակման է ենթարկվում, Ուկրաինան հարձակման տակ է, Ադրբեջանը մեծ ճնշման տակ է, իսկ Վրաստանը՝ օկուպացված:
Ինչու՞:
Որովհետեւ հին կայսրությունը փորձում է վերականգնել նախկին սահմանները: «Սահմանը» առհասարակ ճիշտ բառ չէ, քանի որ կայսրությունը՝ լինի դա Ռուսական կայսրությունը, Խորհրդային Միությունը, Ռուսաստանի Դաշնությունը, թե Եվրասիական միությունը, երբեք սահմաններ չի ունեցել: Այն միայն լուսանցքներ է ունեցել:
Այսօր եկել եմ խոսելու այդ լուսանցքների անունից:
Հակառակ շատ ազգերի՝ Ռուսաստանի Դաշնությունն իր շուրջը կայուն երկրներ ունենալու շահ չունի:
Հարեւան երկրները մշտական անկարգության մեջ են, ինչը Կրեմլի ցանկությունն է: Այն չի ընդունում Վրաստանում, Ուկրաինայում կամ Մոլդովայում ուժեղ կառավարությունների գաղափարը:
Կարծում եք, որ Պուտին ցանկանու՞մ է, որ Հայաստանը վճռորոշ հաղթանակ տանի Ադրբեջանի նկատմամբ: Ոչ: Սա Հայաստանին չափից շատ ուժեղ եւ պոտենցիալ անկախ կդարձնի:
Ամբողջական հոդվածը կարող եք կարդալ այստեղ: