Երեկ Արարատի մարզի Վեդի քաղաքում կայացել է ԲՀԿ ղեկավար Գագիկ Ծառուկյանի հանդիպումը մարզի բնակիչների հետ: Ըստ ՀԺ-ի աղբյուրների՝ չնայած Ծառուկյանի խիստ հանձնարարականներին՝ հավաքին չի հաջողվել ապահովել նույնիսկ Ծառուկյանի ընտանիքին պատկանող «Արարատցեմենտ» գործարանի աշխատակիցների մեծ մասի ներկայությունը:
«Արարատցեմենտ»-ի աղբյուրների փոխանցմամբ, երբ գործարանում աշխատակիցներին հանձնարարվել է պարտադիր մասնակցել այդ հանդիպմանը, մեծ աղմուկ ու բոյկոտ է հասունացել, մեծ թվով աշխատողներ հրաժարվել են այդ հանձնարարությունը կատարելուց: Գործարանի ղեկավարությանը հաջողվել է վարչական լծակների գործադրմամբ կազմակերպված ավտոշարասյունով ԲՀԿ ղեկավարի հետ հանդիպման վայր տանել ընդամենը 100 աշխատակցի ու նրանց համոզել, որ բերեն նաեւ իրենց ընտանիքների անդամներին:
Չնայած այս ամենին եւ սրան գումարած մարզում ունեցած խնամիական կապերը՝ Ծառուկյանին հաջողվել է հավաքել ընդամենը շուրջ 500 մարդ: Սպասելիքները, ըստ մեզ հասած տեղեկությունների, եղել են 3 անգամ ավելի:
Մանրամասները՝ Armtimes.com-ում
