Այսօր այն ուղղություններում, որտեղ մենք ունեցել ենք հաջողություններ, հակառակորդը ջանքերը կրկնապատկել է։ Այդ մասին քիչ առաջ Ստեփանակերտում տեղի ունեցած ճեպազրույցում հայտարարեց ԱՀ ՊԲ ղեկավարի տեղակալ Արթուր Սարգսյանը։
Նրա ներկայացմամբ, հակառակորդը և գիշերվա, և ցերեկվա ընթացքում կիրառել է իր ողջ զինանոցը՝ օդային ավիացիա, հարվածային անօդաչու թռչող սարքեր, ուղղաթիռներ, ինքնաթիռներ, ծանր ականանետ։ Ըստ ՊԲ ղեկավարի տեղակալի, հակառակորդը փորձել է գրավել նաև հայկական զինված ուժերի մարտակառքերը։
Լրագրողները փորձեցին Սարգսյանից հետաքրքրվել, թե թուրքական F-16 կործանիչները արդյոք Արցախի օդային տարածքում են գրանցվել։ Հարցին ի պատասխան Սարգսյանը ասաց․
«F-16-ի կիրառում գրանցվել է Արցախի օդային տարածքում»։
Սարգսյանը նաև տեղեկացրեց, որ հայկական կողմը կորուստներ ունի, ինչի մասին առավել մանրամասն կհաղորդվի ավելի ու։
