CNN-ը հաղորդում է, որ Մեծ Բրիտանիայի նոր հետազոտությունը ցույց է տվել, որ յուրաքանչյուր ծխախոտային գլանակ կյանքի տևողությունը նվազեցնում է միջինում 20 րոպեով: Դա նշանակում է, որ օրական 20 գլանակ ծխող մարդը մեկ տարում կարող է կորցնել մոտ 50 օրվա կյանք:
Հետազոտության համաձայն՝ ծխելը հիմնականում ազդում է կյանքի ավելի առողջ ժամանակահատվածների վրա: Չնայած կորցրած տարիները չեն վերականգնվում, որքան շուտ է մարդը դադարեցնում ծխելը, այնքան ավելի շատ է կանխվում հետագա կյանքի տևողության կորուստը։
Փորձագետները նշել են, որ մինչև 40 տարեկանը ծխելը դադարեցնելը կարող է նվազեցնել ծխելու հետ կապված հիվանդություններից մահանալու ռիսկը մոտ 90%-ով: Ըստ CDC-ի՝ ծխելը մնում է կանխարգելելի հիվանդությունների և մահացության առաջատար պատճառը։
