Խուլիգանություն սրճարանում

24-06-2010
313 դիտում
Խուլիգանություն սրճարանում

Հունիսի 22-ին, ժամը 23.45-ին, ոստիկանության Երևան քաղաքի վարչության ՊՊԾ գնդի 4-րդ վաշտի ծառայողները Մաշտոցի պողոտայում գտնվող ՙՄալիբու՚ սրճարանի մոտից ոստիկանության Կենտրոնականի բաժին բերման են ենթարկել 1993 թ. ծնված Շանթ Մ.-ին, 1977 թ. ծնված Արմեն Ս.-ին և 1979 թ. ծնված Սոնա Ս.-ին:

Պարզվել է, որ նրանք բացահայտ անհարգալից վերաբերմունք ցուցաբերելով հասարակության նկատմամբ` խախտել են հասարակական կարգը, խանգարել սրճարանի աշխատանքները, տվել հայհոյանքներ, վիճաբանել միմյանց հետ, որի ընթացքում Արմեն Ս.-ն ձեռքերով հարվածել է Շանթ Մ.-ի մարմնի տարբեր մասերին և իր մոտ եղած ՙՎոլտրան՚ տիպի գազային ատրճանակի բռնակով հարվածել նրա գլխին ու պատճառել վնասվածք: Նշանակվել է դատաբժշկական փորձաքննություն: Կատարվում է հետաքննություն: