ՀՀ ՊՆ-ն ակնկալում է աշխարհի ուշադրությունը Ադրբեջանի կողմից Արցախի հոսպիտալի թիրախավորման դեպքին

ՀՀ Պաշտպանության նախարարության ներկայացուցիչ Արծրուն Հովհաննիսյանն ակնկալում է, որ աշխարհն ուշադրության կարժանացնի Ադրբեջանի զինված ուժերի կողմից Արցախում գտնվող հոսպիտալի թիրախավորման դեպքը: «Արմենպրես»-ի փոխանցմամբ` այս մասին Հովհաննիսյանն ասաց հոկտեմբերի 14-ին հրավիրված մամուլի ասուլիսի ընթացքում:

«Այսօր հայտարարություն տարածվեց, որ Ադրբեջանի ԶՈՒ-ն թիրախավորել է հոսպիտալներից մեկը, ինչը մեծ ուշադրության պետք է արժանանա ողջ աշխարհում, տեսնեն, թե ինչպես են բուժհաստատությունները թիրախավորվում: Չնայած, մեզ համար դա բոլորովին զարմանալի չէ, եթե թիրախավորվում է եկեղեցին, նույն ձև կթիրախավորվի նաև հիվանդանոցն ու հոսպիտալը»,- ասաց Հովհաննիսյանը:

https://www.facebook.com/ArmenianUnifiedInfoCenter/videos/802671713640010