Այսօրվա մարտերի ընթացքում գրեթե լիովին մաքրվել է ադրբեջանցի դիվերսանտներից Շեխեր բնակավայրը իր հարակից անտառներով։ Այդ մասին քիչ առաջ ասուլիսում հայտարարեց ՀՀ ՊՆ ներկայացուցիչ Արծրուն Հովհաննիսյանը՝ հավելելով, որ հարակից բնակավայրերում մաքրման աշխատանքները շարունակվում են։
Նրա խոսքով, բացի ռազմաճակատում տիրող մարտական գործողություններից՝ նաև օրվա ընթացքում հրթիռակոծվել են Արցախի տարբեր բնակավայրեր, այդ թվում՝ Մարտակերտ քաղաքը՝ հարակից բնակավայրերով, և Բերձոր քաղաքը՝ հարակից բնակավայրերով: «Երեք արկ ընկել է Բերձորի տարածաշրջան», -ասաց Հովհաննիսյանը։