«Խուսափեք գերեվարված զինվորների մասնակցությամբ տեսանյութերի տարածումից»․ Անձնական տվյալների պաշտպանության գործակալություն

«Վերջին օրերին համացանցում լայնորեն տարածվում են հայ գերիների ( քաղաքացիական ու զինվորական անձինք) մասնակցությամբ տեսանյութեր, որոնց սկզբնաղբյուրը ադրբեջանական օգտատերերն են:

Այդ տեսանյութերում խոշտանգման ենթարկված մեր հայրենակիցները հաճախ ներկայացվում են նսեմացուցիչ կերպով, իսկ երբեմն էլ` դրանք ոչ իրական կադրեր են, մոնտաժված ու կեղծ:

Կոչ ենք անում զերծ մնալ նմանատիպ տեսանյութերի տարածումից, կամ դա անել ապանձնավորված (բլյուր) եղանակով: Հարկ է հիշել, որ տեղեկատվությունը համացանցում մնում է հավերժ, և հետագայում` գերեվարված անձանց վերադարձից հետո ևս, այն կարող է շարունակել միջամտել մարդու անձնական կյանքին, բացասաբար անդրադառնալ վերջիններիս ու նրանց ընտանիքների կյանքին, արժանապատվությանը»,- այս մասին տեղեկացնում է Անձնական տվյալների պաշտպանության գործակալությունը: