Դիվերսանտների հարցը՝ Ալիևի անձնական հսկողության ներքո. «Ազատություն»

Շուրջ երկու շաբաթ առաջ Քարվաճառի տարածքներթափանցած և Լեռնային Ղարաբաղի իրավապահների կողմից ձերբակալվածադրբեջանցի դիվերսանտներ Դիլհամ Ասկերովի և Շահբազ Գուլիևի հետ հանդիպման կազմակերպումը, ինչպես նաև սպանված դիվերսանտ Հասան Հասանովի մարմինը վերադարձնելու ուղղությամբ անհրաժեշտ միջոցառումները գտնվում են Ադրբեջանի նախագահ Իլհամ Ալիևի անձնական ամենօրյա հսկողության ներքո: Այդ մասին այսօր հայտարարել է Ադրբեջանի փախստականների և հարկադիր տեղահանվածների գործերով պետական կոմիտեն:
Հաղորդագրության համաձայն՝ ադրբեջանական կողմը Կարմիր Խաչի միջազգային կոմիտեի (ԿԽՄԿ) ներկայացուցիչների հետ մի շարք հանդիպումներ է անցկացրել տվյալ հարցով, իր անհանգստությունն է արտահայտել, որ ձերբակալված դիվերսանտների հետագա ճակատագրի վերաբերյալ «տեղեկատվություն չկա», և կոչ է արել կազմակերպությանը ակտիվացնել գործունեությունը այդ ուղղությամբ, փոխանցում է APA լրատվական գործակալությունը:
Ամբողջական հոդվածը կարող եք կարդալ այս հասցեով՝http://www.azatutyun.am/archive/news/latest/2031/2031.html