ՌԴ ԱԳՆ տեղեկատվության վարչության փոխտնօրեն Մարիա Զախարովան հանդես է եկել հայտարարությամբ՝ մտահոգություն հայտնելով ԼՂ հակամարտության գոտում իրավիճակի սրման կապակցությամբ: Այս մասին տեղեկացնում է galatv.am-ը
«Լուրջ մտահոգություն ենք հայտնում հակամարտության գոտում իրավիճակի կտրուկ լարվածության առիթով, ինչի հետեւանքով մարդկային կորուստներ են եղել: Խորը ցավակցություն ենք հայտնում զոհվածների ընտանիքներին: Վերջին օրերի իրադարձությունները դիտարկում ենք որպես կրակի դադարեցման եւ հակամարտությունը քաղաքական միջոցներով կարգավորելու պայմանավորվածությունների խախտում»,-ըստ աղբյուրի, ասել է ՌԴ ԱԳՆ ներկայացուցիչը:
«Հետագա էսկալացիան համարում ենք անթույլատրելի եւ կողմերին կոչ ենք անում ցուցաբերել զսպվածություն, հրաժարվել ուժի կիրառումից եւ անհապաղ ձեռնարկել միջոցներ իրավիճակը կայունացնելու ուղղությամբ»,- հայտարարել է Մ. Զախարովան: