Ես չեմ նախանձում որևէ մեկին, որը պետք է մտնի այդ անցումային կառավարության կազմի մեջ, այդ թվում՝ Վազգեն Մանուկյանին. Ռոբերտ Քոչարյան

Ռոբերտ Քոչարյանը կվիրահատվի. նրան կրկին տեղափոխել են «Իզմիրլյան» ԲԿ
Ռոբերտ Քոչարյանը կվիրահատվի. նրան կրկին տեղափոխել են «Իզմիրլյան» ԲԿ
Հեղինակ MediaLab

«Ես ողջունում եմ ընդդիմադիր ուժերի որոշումը Վազգեն Մանուկյանին վարչապետի պաշտոնում առաջադրելու մասին», – 5-րդ ալիքին տված հարցազրույցում հայտարարել է նախկին նախագահ Ռոբերտ Քոչարյանը:

Անդրադառնալով ներքաղաքական զարգացումներին՝ Քոչարյանը նշել է, թե Հայաստանի գործող իշխանությունն այլևս լեգիտիմություն չունի, կարծիք է հայտնել, որ նորմալ ընտրություններ կազմակերպելու համար մեկ տարի ժամանակ է անհրաժեշտ, ողջունել է ընդդիմադիր 16 կուսակցությունների որոշումը:

Ըստ Քոչարյանի՝ Վազգեն Մանուկյանն այն կերպարն է, որը կարող է իրականացնել այդ առաքելությունը:

«Սա պաշտոնի կռիվ չէ։ Ես չեմ նախանձում որևէ մեկին, որը պետք է մտնի այդ անցումային կառավարության կազմի մեջ։ Չեմ նախանձում որևէ մեկին և առաջին հերթին՝ Վազգեն Մանուկյանին», -ասել է նա։