Նաիրա Զոհրաբյանը Իրաքի եզդիների խնդիրը կբարձրացնի ԵԽԽՎ սեպտեմբերյան նստաշրջանում.«Ազատություն»

«Բարգավաճ Հայաստան» կուսակցության անդամ, ԵԽԽՎ Հայաստանի պատվիրակության անդամ Նաիրա Զոհրաբյանը Եվրոպայի խորհրդի խորհրդարանական վեհաժողովի (ԵԽԽՎ) սեպտեմբերյան նստաշրջանում կբարձրաձայնի Իրաքի հյուսիսում եզդիների հետ տեղի ունեցող ողբերգական իրադարձությունների մասին:
«Ազատության» հետ զրույցում Զոհրաբյանն ասաց, որ արդեն հանդիպումներ է ունեցել Հայաստանի եզդի համայնքի ներկայացուցիչների հետ ու քննարկել մի շարք հարցեր։ Նա նաև տեղեկացրեց, որ իրեն նյութեր են փոխանցվել, որոնք ինքն առաջիկայում կներկայացնի ՄԱԿ-ում Հայաստանի ներկայացուցիչ Զոհրաբ Մնացականյանին:
«Միանշանակ է, որ այն, ինչ այսօր տեղի է ունենում Իրաքի հյուսիսում, դա ցեղասպանություն է, և միջազգային հանրությունը պետք է հստակ, ադեկվատ արձագանքի, հստակ գործողություններ անի եզդի ժողովրդի ցեղասպանությունը կանխելու համար, ավելին, ես կարծում եմ, ՄԱԿ-ի ասամբլեայում խնդիրը պետի է քննարկվի, և իսլամիստական պետության ծայրահեղական ահաբեկչական միավորման բոլոր հովանավոր երկրները, ովքեր հովանավորում են այդ ծայրահեղական ահաբեկչական կազմակերպությանը, պետք է պատասխանատվություն կրեն. ուղղակի անթույլատրելի է՝ այսօր՝ 21-րդ դարում, քաղաքակիրթ ողջ աշխարհի աչքի առջև, այն, ինչ տեղի է ունենում Իրաքի հյուսիսում»,- ասաց Զոհրաբյանը։
Ամբողջական հոդվածը կարող եք կարդալ այս հասցեով՝ http://www.azatutyun.am/