«Լուսավոր Հայաստան» կուսակցությունից դուրս գալու որոշումը երեկ չէր առաջացել, ոչ էլ երեկ չէ առաջին օրը:
Այդ մասին «Ա1+»-ի փոխանցմամբ այսօր ԱԺ-ում լրագրողների հետ զրույցում ասել է «Ելք» խմբակցության պատգամավոր Հայկ Կոնջորյանը:
Հիշեցնենք, որ վերջինս երեկ հայտարարել է, որ դուրս է գալիս Էդմոն Մարուքյանի ղեկավարած «Լուսավոր Հայաստան» կուսակցությունից եւ միանում է Փաշինյանի թիմին:
Կոնջորյանն այսօր ասել է, թե «Ելք»-ի ստեղծման պահից հուշագրում կետ կար՝ հետագայում մեկ ամբողջական կուսակցություն դառնալու, որին ինքը կողմ է եղել։
Կոնջորյանը պնդել է, թե իր որոշումը չպետք է կապել հետագայում պաշտոն ստանալու հետ եւ այս պահին չի քննարկվում ՔՊ-ին անդամակցելու հարցը:
«Ես թքած ունեմ ցանկացած պաշտոնի և մանդատի վրա»,- ասել է նա: