Տավուշի մարզպետարանը հերքել է լուրերը, թե իբր մարզի մի քանի գյուղ և ճանապարհի մի հատված անցնում է Ադրբեջանի հսկողության տակ

Տավուշի մարզպետարանը հայտարարություն է տարածել՝ հորդորելով չտարածել ապատեղեկատվություն, չվտանգել սահմանների և սահմանապահ բնակիչների անվտանգությունը:

«Շրջանառվող այն տեղեկատվությունը, ըստ որի իբր Տավուշի մարզի մի քանի գյուղ և ճանապարհի մի հատված անցնում է Ադրբեջանի հսկողության տակ, իրականության հետ որևէ առնչություն չունի:

Հարգելի տավուշցիներ, շրջանցեք թշնամու կողմից տարածվող ապատեղեկատվությունը: Տավուշի մարզի յուրաքանչյուր բնակչի անվտանգության երաշխավորը հայկական բանակն է և հայ զինվորը»,- նշվում է Տավուշի մարզպետարանի հայտարարության մեջ: