Րաֆֆի Հովհաննիսյանի ցավակցական ուղերձը

Րաֆֆի Հովհաննիսյանի ցավակցական ուղերձը
Րաֆֆի Հովհաննիսյանի ցավակցական ուղերձը
Հեղինակ MediaLab

20 հունվարի 2015թ., Երեւան: «Ժառանգություն» կուսակցության առաջնորդ Րաֆֆի Հովհաննիսյանն այսօր ցավակցական ուղերձ է հղել Սերյոժա Ավետիսյանի մահվան կապակցությամբ: Նրանում մասնավորապես ասված է.

«Ավետիսյան գերդաստանի հարազատներին, բոլոր գյումրեցիներին

Մեծարգո հայրենակիցներ,

Ձեզ հետ միասին սգում եմ փոքրիկ Սերյոժայի մահը: Ցավում եմ, որ չհաջողվեց փրկել լույսի պես անարատ այդ մանկիկի կյանքը: Ավետիսյանների ընտանիքի ամենակրտսեր նահատակը, ով սրախողխող էր արվել մարդկային կերպարանքը կորցրած ճիվաղի ձեռքով, դարձավ աննախադեպ դաժանության 7-րդ զոհը: Չփարատված մնաց վերջին հույսը, որ, իբրեւ սրտի փոքրիկ մխիթարանք, փայփայում էր մեր ողջ ժողովուրդը: Բայց չկոտրվենք, մեզ ուժ ու կամք է հարկավոր՝ ապրելու եւ արդար հատուցում պահանջելու մարդասպանի ու նրա հնարավոր հանցակիցների համար:

Թող խաղաղությամբ հանգչի տանջահար մարմինդ, աննման Սերյոժա:

Վշտակցաբար՝

Րաֆֆի Կ. Հովհաննիսյան»