Սարսափելի միջադեպ. Հարձակվել են ավտոերթի վրա, ծեծել մարդկանց

Սարսափելի միջադեպ. Հարձակվել են ավտոերթի վրա, ծեծել մարդկանց
Սարսափելի միջադեպ. Հարձակվել են ավտոերթի վրա, ծեծել մարդկանց
Հեղինակ MediaLab

Քիչ առաջ Հիմնադիր խորհրդարանի անդամ Վարուժան Ավետիսյանը մեզ տեղեկացրեց, որ Հայաստանի ու Ղարաբաղի սահմանագծին, չհասած Զաբուխ, Երեւանից Արցախ գնացող ավտոերթը կանգնեցրել են քաղաքացիական հագուստով մարդիկ: Ժիրայր Սեֆիլյանը իջել է մեքենայից, որպեսզի զրուցի նրանց հետ, եւ այդ ժամանակ մի քանի տասնյակ ոստիկաններ մահակներով հարձակվել են ավտոշարասյան վրա, ծեծել մարդկանց, ջարդուխուրդ արել մեքենաները: Ըստ տեղեկությունների, Ժիրայր Սեֆիլյանը […]

Քիչ առաջ Հիմնադիր խորհրդարանի անդամ Վարուժան Ավետիսյանը մեզ տեղեկացրեց, որ Հայաստանի ու Ղարաբաղի սահմանագծին, չհասած Զաբուխ, Երեւանից Արցախ գնացող ավտոերթը կանգնեցրել են քաղաքացիական հագուստով մարդիկ: Ժիրայր Սեֆիլյանը իջել է մեքենայից, որպեսզի զրուցի նրանց հետ, եւ այդ ժամանակ մի քանի տասնյակ ոստիկաններ մահակներով հարձակվել են ավտոշարասյան վրա, ծեծել մարդկանց, ջարդուխուրդ արել մեքենաները: Ըստ տեղեկությունների, Ժիրայր Սեֆիլյանը եւ այլ մասնակիցներ վնասվածքներ ունի: Մի լրագրող ստացել է գլխի վնասվածք, նրան տեղափոխում են Գորիս:

Ավտոմեքենաների մեջ եղել են կանայք եւ երեխաներ, ամեն ինչ կատարվել է նրանց ներկայությամբ: Վարուժան Ավետիսյանի խոսքով, ոստիկանները ուժ են կիրառել ավտոերթի մոտ 30 մասնակցի նկատմամբ, հնչել են նաեւ կրակոցներ: «Եվ ոստիկաններ էին եւ խաժամուժ, օդ էին կրակում, հարձակվում մեր վրա, մենք գիտեինք, որ խաժամուժ է հավաքվել, բայց որ ոստիկաններն այդ քայլին կդիմեին, չէինք սպասում, քանի որ մենք պատրաստվում էինք հետ գալ: Ով ընկել է ձեռքները, ծեծել են: Չենք թողնում մտնեք ներս եւ վերջ, ասում էին՝ ռադ եղեք գնացեք»:

Ավտոերթը ներկայում շարժվում է դեպի Երեւան: Վարուժան Ավետիսյանն ասաց, թե հնարավոր է լինեն բերման ենթարկվածներ: Ավտոերթի մասնակիցները հարձակումից առաջ մոտակա բարձունքներին տեսել են դիմակավորված անձանց: Կարդալ ավելին