Փետրվարի 5-ին, ժամը 15։50-ին Լոռու մարզային ճգնաժամային կառավարման կենտրոն ահազանգ է ստացվել, որ Վանաձոր քաղաքի Բազում թաղամասի 5 հարկանի շենքի տանիքից ծուխ է նկատվում։
Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից երեք մարտական հաշվարկ։
Պարզվել է, որ հրդեհը բռնկվել է Սուխումի փողոցի թիվ 1 շենքի բնակարաններից մեկի միջանցքում։
Փրկարարները բացել են բնակարանի դուռը և բնակչին (Մ․ Գ․, ծնված 1968 թ․) մոտեցրել շտապօգնության ավտոմեքենային։ Մ․ Գ․-ն հոսպիտալացվել է Վանաձորի ԲԿ, որտեղ բժիշկները նրա առողջական վիճակը գնահատել են բավարար։
Հրշեջ-փրկարարները հրդեհը մեկուսացրել են ժամը 16։22-ին, մարել՝ 16։28-ին։ Այրվել են միջանցքի առաստաղից 3 քմ հատված, ինչպես նաև լոգարանի և սանհանգույցի դռները։
