ՀՔԾ-ն խրախուսում է գլխատելու և բռնաբարելու կոչ անող ԱԺ պատգամավորին. ՀՔԱՎ

ՀՔԾ-ն խրախուսում է գլխատելու և բռնաբարելու կոչ անող ԱԺ պատգամավորին. ՀՔԱՎ
ՀՔԾ-ն խրախուսում է գլխատելու և բռնաբարելու կոչ անող ԱԺ պատգամավորին. ՀՔԱՎ

Հատուկ քննչական ծառայությունը խրախուսում է գլխատելու և բռնաբարելու կոչ անող ԱԺ պատգամավորին
Այսօր՝ 2015թ.-ի հունիսի 29-ին ՀՔԱ Վանաձորի գրասենյակը ստացավ ՀՀ ՀՔԾ խոշտանգումների և մարդու դեմ ուղղված հանցագործությունների քննության վարչության պետի տեղակալ Վ. Ավետիսյանի որոշումը, համաձայն որի մերժվում է քրեական գործի հարուցումը ԱԺ պատգամավոր Առաքել Մովսիսյանի արարքում հանցակազմի բացակայության հիմքով:

ՀՔԾ վարչության պետի տեղակալը գտնում է, որ «/…/Ազգային Ժողովի պատգամավորի կողմից զանգվածային լրատվության միջոցով հրապարակային արված վերը նշված արտահայտությունները սպանության կամ առողջությանը ծանր վնաս պատճառելու իրական սպառնալիք չեն հանդիսացել, դրանք իրականացնելու իրական վտանգ չի եղել, որպիսի պայմաններում բացակայում է քրեական գործ հարուցելու հիմքը՝ այն փաստական տվյալները, որոնք վկայում են կատարված կամ նախապատրաստվող հանցագործության մասին/…/ »:

Այսպիսով՝ ՀՔԾ-ի տրամաբանությունից ելնելով՝ կարող ենք հասկանալ, որ ՀՀ յուրաքանչյուր քաղաքացի կարող է զանգվածային լրատվական միջոցներով հայտարարել, որ գլխատելու և բռնաբարելու է մարդու իրավունքները խախտող պաշտոնյաներին:

Հելսինկյան Քաղաքացիական Ասամբլեայի Վանաձորի գրասենյակ