Մամուլում երեկվանից տեղեկություններ են տարածվում, թե Տավուշի մարզի Ազատամուտ համայնքում ադրբեջանցիները սահմանային չափագրումներ են կատարում. սա ևս ապատեղեկատվություն է: Մարզպետը վստահեցնում է՝ կյանքը Տավուշում ընթանում է բնականոն հունով: Սահմանին էլ աննախադեպ հանգստություն է, որևէ պատճառ չկա անհանգստանալու՝ «Լուրերին» հայտնել է Տավուշի մարզպետ Հայկ Չոբանյանը՝ հավելելով՝ նման կեղծ ինֆորմացիայի տարածումն անհետևանք չպետք է մնա:
«Ցավում եմ հատկապես դրա համար, որ մեր ժողովուրդը, որ հանգիստ իր գործով էր զբաղված, այսօր ալեկոծված է: Իհարկե, երեկ մենք փորձեցինք առավելագույնս հանդարտեցնել ժողովրդին և մեր պատասխանը հնարավորինս հստակ և ճշգրիտ ձևով տալ էդ մարդկանց, ովքեր այդ խժդժությունները ուղղակի գցել էին ամբողջ մեդիադաշտ, բայց կարծում եմ, որ սա չի կարող անհետևանք լինել», -ասել է մարզպետը:
