Ռազմավարական նշանակություն ունեցող ճանապարհները չպետք է փակվեն. Տավուշի մարզպետը հանդիպել է բնակիչների հետ

Տավուշի մարզպետ Հայկ Չոբանյանը հանդիպել է մի խումբ տավուշցիների, որոնք ավելի վաղ կարճ ժամանակով փակել էին Երևան-Նոյեմբերյան միջպետական ճանապարհը: Այդ մասին տեղեկացնում են Տավուշի մարզպետարանից:

Հայկ Չոբանյանն արձագանքել է Տավուշի սահմանազատման աշխատանքների հետ կապված ապատեղեկատվությանը և պատասխանել բոլոր հարցերին։ Հանդիպման մասնակիցները շեշտել են, որ իրենց նպատակը քաղաքական չէ, այլ ուղղակի ցանկանում են համոզվել, որ մեր սահմանները վտանգված չեն։

Մարզպետը լիարժեք պարզաբանումներ է տվել սահմանային գոտու պահպանման սկզբունքների, առկա իրավիճակի, հնարավոր վտանգների վերաբերյալ։ Ճանապարհը փակելու վերաբերյալ մարզպետը խիստ դիրքորոշում է հայտնել առ այն, որ ռազմավարական նշանակություն ունեցող ճանապարհները չպետք է փակվեն:

Հանդիպման մասնակիցները նշել են, որ մարզպետի կողմից հայտնած մտքերի, մոտեցումների և սկզբունքների նկատմամբ առարկություններ և անվստահություն չունեն։

Տավուշի մարզպետ Հայկ Չոբանյանն այսօր հանդիպել է մի խումբ տավուշցիների, որոնք ավելի վաղ կարճ ժամանակով փակել էին…

Posted by ՀՀ Տավուշի մարզպետարան /Tavush Administrative Region RA/ on Tuesday, March 9, 2021