«Հայփոստ» ՓԲԸ-ն քաղաքացիներին հնարավորություն է ընձեռում 17 փոստային բաժանմունքներում ձեռք բերել բջջային հեռախոսներ և աքսեսուարներ:
«Հայփոստ»-ն առաջարկում է մշտապես թարմացվող, բազմաֆունկցիոնալ, շուկայում մեծ պահանջարկ ունեցող և մատչելի բջջային հեռախոսներ:
Քաղաքացիները բջջային հեռախոսները կարող են ձեռք բերել ինչպես կանխիկ եղանակով, այնպես էլ ապառիկ: Ապառիկ վաճառքի դեպքում գործարքն իրականացվում է տեղում, հաշված րոպեների ընթացքում:
Ինչպես նշում է Հայփոստի գլխավոր տնօրեն Հայկ Կարապետյանը.- «Հայփոստ»-ը փորձում է ավելի բազմազան և նոր ծառայություններ մատուցել, որը կհեշտացնի մեր քաղաքացիների կյանքը: Առաջիկայում նախատեսում ենք շուրջ 70 փոստային բաժանմունքներում ապահովել բջջային հեռախոսների վաճառք»:
«Հայփոստ»-ի փոստային բաժանմունքներում վաճառվում են շուկայում մեծ պահանջարկ ունեցող Xiaomi բրենդի բջջային հեռախոսներ, ինչպիսիք են Poco M 3, Poco X3, Redmi 9 և այլն: Քաղաքացիների համար գնման գործընթացը հարմար և հասանելի դարձնելու համար՝ նախատեսվում է նաև Iphone, Samsung և Nokia բրենդների բջջային հեռախոսների վաճառք:
Բջջային հեռախոսների վաճառք իրականացող փոստային բաժանմունքների ցանկին կարող եք ծանոթանալ հղումով՝ http://bit.ly/3qCP0ZC:
«Հայփոստ» ՓԲԸ
