Մարտի 17-ին, ժամը 10:14-ին Տավուշի մարզային ճգնաժամային կառավարման կենտրոն ահազանգ է ստացվել, որ Տավուշ գյուղի մոտակայքում տեղի է ունեցել ՃՏՊ։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Բերդ-Տավուշ ավտոճանապարհի 4-րդ կմ-ին «Mercedes-Benz W202» մակնիշի ավտոմեքենան (վարորդ՝ Ս․ Ք․) դուրս է եկել ճանապարհի երթևեկելի հատվածից և մոտ 1 մետր կողասահելով հայտնվել ճամփեզրին։
Մինչ փրկարարների՝ կանչի վայր հասնելը վարորդը և ուղևոր Հ․ Խ․-ն ինքնուրույն դուրս են եկել ավտոմեքենայից․ վերջիններս հրաժարվել են բուժօգնությունից:
Փրկարարներն ավտոմեքենան դուրս են բերել ճանապարհի երթևեկելի հատված:
