Մարտի 25-ին Արարատի մարզային ճգնաժամային կառավարման կենտրոն ահազանգ է ստացվել, որ Ռանչպար գյուղում գետի հունը բարձրացել է, ինչի հետևանքով ջրածածկվել են համայնքի հողատարածքները:
Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ։
Փրկարարները հատուկ տեխնիկայի օգնությամբ արգելապատնեշն ամբողջությամբ բացել են։
Ջրածածկվել են մոտ 6000 քմ ցանքատարածք, 2000 քմ այգի և համայնքին պատկանող մոտ 10 հա հողատարածք:
