«Ի՞նչ են քննարկում և ինչի՞ են ձգտում հասնել Երևանն ու Բաքուն» թեմայով քննարկում․ Ուղիղ
Անցյալ տարվա նոյեմբերի 9-ի եռակողմ հայտարարությունից հետո Հայաստանն ու Ադրբեջանը հաղորդակցության ուղիների ապաշրջափակման խնդիրների շուրջ բանակցում են Ռուսաստանի միջնորդությամբ: Միևնույն ժամանակ կողմերը միմյանց ներկայացնում են պահանջներ:
Երևանը միջազգային տարբեր հարթակներում բարձրաձայնում է հայ գերների հետ վերադարձի խնդիրը, Բաքուն՝ ականապատ տարածքների քարտեզներն է պահանջում: Միևնույն ժամանակ պարզ չէ՝ ինչ է սպասվում ԵԱՀԿ Մինսկի խմբի համանախագահների ձևաչափին, որի շրջանակներում մինչ օրս ընթացել են ղարաբաղյան կարգավորման բանակությունները: Պաշտոնական Երևանը հետաքրքրված է ՄԽ համանախագահության ուժեղացմամբ, Բաքուն նման հետաքրքրություն չի ցուցաբերում:
Ղարաբաղյան երկրորդ պատերազմից հետո Հայաստանի և Ադրբեջանի միջև ընթացող բանակցություններին, գերիների վերադարձման հարցին ու բանակցային ձևաչափի հնարավոր փոփոխություններին կանդրադառնանք ապրիլի 6-ին, ժամը՝ 11-ին, «Հոդված 3» ակումբի՝ ՏԵՍԱԿԱՊԻ միջոցով նախատեսած «ՀԵՏՊԱՏԵՐԱԶՄԱԿԱՆ ԲԱՆԱԿՑՈՒԹՅՈՒՆՆԵՐ. Ի՞ՆՉ ԵՆ ՔՆՆԱՐԿՈՒՄ ԵՎ ԻՆՉԻ՞ ԵՆ ՁԳՏՈՒՄ ՀԱՍՆԵԼ ԵՐԵՎԱՆՆ ՈՒ ԲԱՔՈՒՆ» թեմայով քննարկման ժամանակ:
Բանախոսներն են.ԱՐԹՈՒՐ ՄԱՐՏԻՐՈՍՅԱՆ, բանակցային գործի մասնագետԱԼԵՔՍԱՆԴՐ ԻՍԿԱՆԴԱՐՅԱՆ, քաղաքագետ, Կովկասի ինտիտուտի տնօրենԿԻՐԻԼ ԿՐԻՎՈՇԵԵՎ, «Կոմերսանտ» թերթի արտաքին քաղաքականության բաժնի թղթակիցԱՐԻՖ ՅՈՒՆՈՒՍՈՎ, կոնֆլիկտաբան, իրավապաշտպան