ՀՀ արտակարգ իրավիճակների նախարարության շարահրապարակում ապրիլի 16-ին տեղի է ունեցել Փրկարար ծառայության ստորաբաժանումներում առկա գույք-սարքավորումներով ու տեխնիկայով շարային ստուգատես:
ՀՀ արտակարգ իրավիճակների նախարարությունից, ներկայացվել են գերատեսչության Երևան քաղաքի բոլոր ստորաբաժանումները: Ստուգատեսն անցկացրել են նախարար Անդրանիկ Փիլոյանը և Փրկարար ծառայության տնօրեն Արմեն Գասպարյանը։
Ըստ աղբյուրի՝ միջոցառման հիմնական նպատակն էր ստուգել ատորաբաժանումների անձնակազմի ընդհանուր պատրաստվածությունը, համազգեստի, ծառայողների պատշաճ արտաքին տեսքը, ինչպես նաև տեխնիկայի մարտական վիճակը։
Նշվում է նաև, որ նախարար Փիլոյանը բարձր է գնահատել անձնակազմի պատրաստվածությունը՝ միևնույն ժամանակ մատնանշելով նաև թերությունները, որոնց շտկման համար տրվել են ցուցումներ ու հանձնարարականներ։ ՓԾ տնօրենը գոհունակություն է հայտնել ներկայացված տեխնիկայի մարտական վիճակի առումով։
Ներկայացվել են նաև փրկարարական հատուկ սարքավորումներ, որոնց շարքում էին անօդաչու թռչող սարքեր, սակրավորների ականորսիչներ, ռոբոտատեխնիկա, վարակազերծման միջոցներ և հատուկ հանդերձանք: Ստուգատեսի ժամանակ փորձարկվել է ազդարարման շչակ։
Ստուգատեսի ավարտին մեքենաները փարոսիկներով, ձայնային ազդանշաններով՝ երթով շարահրապարակից մեկնել են ծառայության: