Այսօր Ազգային ժողովը ամբողջությամբ ընդունեց «Գովազդի մասին» օրենքում փոփոխությունների նախագիծը, որը ներկայացրել էր ՀՀ կառավարությունը:
Նախագծով կառավարությունն առաջարկում է լրատվական կայքերում վիճակախաղերի գովազդի համար 2019 թվականին ընդունված ծավալային սահմանափակման փոխարեն կիրառել ժամային սահմանափակում:
Ըստ այդմ՝ առաջարկվում է օրենքի 15-րդ հոդվածում կատարել համապատասխան փոփոխություն և լրացումներ, որի արդունքում ինտերնետ շահումով խաղերի և տոտալիզատորի գովազդների հանդեպ կկիրառվեն նույն սահմանափակումները, որոնք կիրառվում են շահումով խաղերի և խաղատների գովազդների նկատմամբ: Այսինքն՝ այդպիսի գովազդը համացանցով հասանելի կլինի ժամը 22.00-ից հետո մինչև առավոտյան ժամը 07:00-ն ընկած ժամանակահատվածում:
