«Իմ քայլը» դաշինքի ցուցակով ընտրված Աննա Գրիգորյանը, որը խորհրդարան մուտք գործելուց հետո լքել էր խմբակցությունը, այսօր հայտարարել է, որ առաջիկա խորհրդարանական ընտրություններին կմասնակցի «Վերածնվող Հայաստան» կուսակցության կազմում:
Հիշեցնենք՝ այս կուսակցությունը Սյունիքի նախկին մարզպետ Վահե Հակոբյանն էր ստեղծել վերջերս, ընտրություններից առաջ, որին անդամագրվել են Սյունիքի մարզի գրեթե բոլոր համայնքապետերը:
«Որոշում եմ կայացրել շարունակել իմ քաղաքական ուղին «Վերածնվող Հայաստան» կուսակցության հետ: Կուսակցությունը ստեղծվել է՝ հիմքում ունենալով Սյունիքը: Այն հետպատերազմյա Հայաստանում ստեղծված կուսակցություն է, որը ստեղծվել է անհրաժեշտաբար: Գործող իշխանությունը համապատասխան ջանքեր և արդյունավետ գործողություններ չի իրականացրել և, մեծ հաշվով, անտարբերության է մատնել Սյունիքը»,- յսօր խորհրդարանում հայտարարել է Աննա Գրիգորյանը: