Ռուսաստանի Կեմերովոյի մարզում Let L-410 երկշարժիչ օդանավի կոշտ վայրէջքի հետևանքով կան զոհեր։
РИА Новости-ի փոխանցմամբ՝ նախնական տվյալներով պատահարի հետեւանքով մահացել է յոթ մարդ, մեկ տասնյակից ավելին վիրավորվել են:
Հայտնի է դարձել, որ օդանավում եղել է 19 մարդ: Տեղական իշխանությունների հավաստմամբ՝ վթարի պատճառ է դարձել շարժիչներից մեկի խափանումը: Որոշում է կայացվել անմիջապես վայրէջք կատարել: Օդանավը տեղափոխել է մի խումբ պարաշյուտիստների: Դեպքի վայր է ուղարկվել ուղղաթիռ՝ տուժածներին տարհանելու համար: