Ամերիկահայ միլիոնատեր, պոկերի արքա, սոցիալական ցանցերի աստղ Դեն Բիլզերյանը ՀՀ քաղաքացիություն է ստացել: Այդ մասին ֆեյսբուքյան էջում գրել է ՀՀ ոստիկանության անձնագրային և վիզաների վարչության պետ Մնացական Բիչախչյանը:
«Դեն և Ադամ Բիլզերյան եղբայրները ՀՀ քաղաքացիություն ստանալու կապակցությամբ երդման արարողությանը մասնակցելիս», – գրել է Բիչախչյանը և լուսանկար հրապարակել:
Նշենք, որ Դեն Բիլզերյանը օգոստոսի 27-ի առավոտյան է ժամանել Հայաստան:
38-ամյա Դեն Բիլզերյանը Instagram-ում ունի շուրջ 24 մլն հետևորդ, Facebook-ում՝ 12 մլն: Նա աշխարհում հայտնի է հիմնականում իր վարած շքեղ կյանքի և էրոտիկ բնույթի լուսանկարներով:
