Սեպտեմբերի 23-ին կայանալիք՝ Երևանի ավագանու ընտրություններում «Լուսավոր Հայաստան» կուսակցությունը և «Հանրապետություն» կուսակցությունը կմասնակցեն «Լույս» դաշինքով։
Դաշինքի ցուցակը գլխավորում է Արդարադատության նախարար Արտակ Զեյնալյանը, երկրորդ և երրորդ տեղերում են, համապատասխանաբար, Երևանի ավագանու ԵԼՔ խմբակցության ղեկավար Դավիթ Խաժակյանը և խմբակցության անդամ Անի Խաչատրյանը։
Երևանի ավագանու ընտրություններում «Լույս» դաշինքի նախընտրական շտաբի ղեկավարը Դավիթ Խաժակյանն է։
Նորաստեղծ դաշինքն այսօր ներկայացրել է նաև դաշինքի լոգոտիպը։