Մոլդովայի ՆԳ նախկին փոխնախարար Գենադի Կոսովանը և նախագահ Մայա Սանդուի նախկին խորհրդական Սերգեյ Տոֆիլատը վիճել են հեռուստաշոուի ժամանակ, վիճաբանությունը վերածվել է ձեռնամարտի: Կոսովանը կորցրել է գիտակցությունը, բուժօգնության անհրաժեշտություն է առաջացել, գրում է ՌԻԱ Նովոստին:
Քաղաքական գործիչներին հրավիրել էին մասնակցելու Jurnal TV-ի հաղորդաշարերից մեկին՝ որպես փորձագետ։ Սակայն ուղիղ եթերի ժամանակ քննարկումները վերածվել են անձնական վիրավորանքի․ նախկին փոխնախարարն իր ընդդիմախոսին անվանել է «խելապակաս» և ջուր ցողել նրա վրա, ի պատասխան՝ բռունցքի մի քանի հարված ստացել ու կորցրել գիտակցությունը։
Ավելի ուշ հաղորդավար Դմիտրի Միշինը հայտնել է, որ կողմերին հաջողվել է հաղթահարել կոնֆլիկտն ու լուսանկար է հրապարակել, որում Տոֆիլատն ու Կոսովան իրար ձեռք են սեղմում։
Աղբյուր՝ Factor.am
