Ոստիկանության պարեկապահակետային ծառայության (ՊՊԾ) գնդի տարածքը գրավելու մեջ մեղադրվող «Սասնա ծռեր» զինված խմբի կալանավորված անդամ Պավլիկ Մանուկյանն այսօրվա դատական նիստի ժամանակ հայտարարել է անժամկետ հացադուլի մասին։
«Ազատություն» ռադիոկայանի փոխանցմամբ, Մանուկյանն ասել է, որ այդ ծայրահեղ քայլին է դիմում որպես բողոքի նշան՝ իրեն կալանքի տակ պահելու որոշման դեմ։
Մանուկյանից հետո ոստիկանի սպանության մեջ մեղադրվող, խմբի մեկ այլ անդամ՝ Արմեն Բիլյանն է հայտարարել, որ հացադուլ է սկսում:
