«Ես չեմ կարող դեկտեմբերի ընտրություների հետ կապված որեւէ երաշխավոր հանդիսանալ»:
ԱԺ ճեպազրույցների ժամանակ նման հայտարարություն է արել ԱԺ ՀՀԿ խմբակցության ղեկավար Վահրամ Բաղդասարյանը:
Նրա խոսքով, իրենց խմբակցությունը դեկտեմբերին ԱԺ արտահերթ ընտրություններ անցկացնելու վերաբերյալ որեւէ որոշում չի կայացրել:
«Դեկտեմբերի հետ կապված մենք որեւէ քննարկում չունենք: Դա վտանագավոր քայլ է, որը կարող է ապագայում ձեւավորվելիք ԱԺ-ն դարձնել միահեծան»,- հայտարարել է Բաղդասարյանը` հավելելով, թե այդ պարագայում չի կարող իրական ընդդիմություն ձեւավորվել ԱԺ-ում:
Նա շարունակում է պնդել, որ պետք է ԸՕ-ն վերջնական տեսքի բերել, ժամանակ տրվի քաղաքական ուժերին, որ պատրաստվեն արտահերթ ընտրություններին: Բայց, ոչ դեկտեմբերին: