Գործնական քայլեր ենք անելու մեր համագործակցությունը Ռուսաստանի հետ զարգացնելու ուղղությամբ և պլանավորում ենք ունենալ որակով սպառազինություն։ Այդ մասին լրագրողների հետ ճեպազրույցում ասել է Ռուսաստանում գտնվող ՀՀ պաշտպանության նախարար Արշակ Կարապետյանը։
«Մենք պլանավորում ենք ունենալ որակով սպառազինություն, պլանավորում ենք ունենալ նոր սպառազինություն։ Մենք հրաժարվել ենք հին սպառազինություններ ձեռք բերելուց, դա մեր քաղաքականությունն է։ Ավելի լավ է, որ մենք ունենանք քիչ, բայց որակով եւ հստակ իմանանք, որ այս սպառազինությունը գործելու է»,- ասել է նախարարը։
Նախարար(ը նաև նշել է, որ Հայաստանը պետք է փորձի ունենալ սեփական զենքի արտադրություն ու հավելել. «Այստեղ մենք նույնպես ունենք աջակցություն՝ համատեղ ձեռնարկությունների բացման տեսքով. դա արագ անելու ենք։ Մենք՝ որպես ազգ, պետք է կարողանանք արտադրել սեփական զենք»։
Ըստ Արշակ Կարապետյանի, պետք է թույլ չտալ Պաշտպանության նախարարության և արտադրող ձեռնարկությունների մեջ միջնորդներ լինեն։ «Կարծում եմ՝ այդ երեք պայմանները պահպանելու դեպքում մենք անպայման ստանալու ենք արդականացված և 21-րդ դարին համահունչ բանակ»- հավելել է նախարարը։
Տեսանյութը՝ «Զինուժի»
