Իրավապաշտպան Վարդան Հարությունյանը ֆեյսբուքյան իր էջում գրում է․
«Իհարկե, ես ուրախ չեմ, որ Աղվան Հովսեփյանը կալանավորվել է: Որեւէ մեկի կալանավորմամբ ես երբեք չեմ ուրախացել: Ինձ կարող է ուրախացնել միայն արդարադատության հաղթանակը, ինչը մեր օրերում, ցավոք, չի հանդիպում: Աղվան Հովսեփյանը, նրա ղեկավարները, նրա ենթակաները մի օր կալանավայրում հայտնվելու համար ամեն ինչ արել են:
Նրանք չէին մտածում, որ պատասխան տալու օրը գալու է: Վստահ չեմ, թե նրա/նրանց դեպքում արդարադատության հաղթանակի ականատես կլինենք: Ավելի հավանական է, որ գործը՝ վերջին տարիներին սկսված գործերի նման տեղում դոփի ու ավարտ չունենա: Բայց, ինչ ուզում է լինի, պետք է շեշտել, բումերանգի օրենքն աշխատում է»:
