Երևանի ավագանու «Իմ քայլը» խմբակցության նոր ղեկավար է ընտրվել Արմեն Գալջյանը։
«Արմենպրես»-ի հաղորդմամբ՝ այս մասին ավագանու 7-րդ նստաշրջանի 1-ին նիստին հայտնեց Երևանի քաղաքապետ Հայկ Մարությանը։
«Շնորհավորում եմ պարոն Գալջյանին։ Խմբակցությունը նաև ընտրել է նոր քարտուղար՝ Լևոն Հովհաննիսյանին, Ձեզ նույնպես շնորհավորում եմ»,- նշեց Մարությանը։
Երևանի ավագանու «Իմ քայլը» խմբակցության նախկին ղեկավարը Սուրեն Էյրամջյանն էր, ում լիազորությունները սեպտեմբերի 14-ին դադարեցվել են։ 2021 թվականի փետրվարի 12-ին Էյրամջյանը 6-րդ նստաշրջանի արտահերթ նիստի ժամանակ հայտնել էր, որ ունի առողջական խնդիր, որով պայմանավորված՝ 2019 թ.-ին մի ամբողջ նստաշրջան նա բացակայել էր ավագանու նիստերից։
