Մեկ օրում ՀՀ ոստիկանությունը բացահայտել է հանցագործության 46 դեպք, որից՝ 5-ը նախկինում կատարված

Ըստ ոստիկանության օպերատիվ հաղորդագրությունների ամփոփագրերի` հոկտեմբերի 5-ից 6-ը Հայաստանի Հանրապետության ոստիկանության ստորաբաժանումները բացահայտել են հանցագործության 46 դեպք, որից՝ 5-ը նախկինում կատարված. տեղեկացնում են ՀՀ ոստիկանությունիցլ:

«Մասնավորապես՝ խարդախության՝ 8, մարմնական վնասվածք պատճառելու՝ 6, թմրամիջոցի հայտնաբերման՝ 5, անձնական ունեցվածքի գողության՝ 4, յուրացման կամ վատնման և ընտանեկան բռնության՝ 3-ական, գույքը դիտավորությամբ ոչնչացնելու, խուլիգանության ու ընտանեկան բռնության՝ 2-ական, բնակարանային գողության, ավտոմեքենա փախցնելու, զենք-զինամթերքի առգրավման, ապօրինի ծառահատման, ծանր վիրավորանքի և քաղաքացիական կացության ակտերի գրանցման մարմիններին սուտ տեղեկություններ հաղորդելու ՝ 1-ական դեպք։ Հայտնաբերվել է 1 անհետ կորած, 6 հետախուզվող։ Կամավոր ներկայացել է 6 հետախուզվող։ Գրանցվել է զենք-զինամթերքի կամավոր հանձնման 1 դեպք։

Նախկինում կատարված հանցագործություններից բացահայտվել է անձնական ունեցվածքի գողության՝ 4 և բնակարանային գողության 1 դեպք։ Անցած 1 օրվա ընթացքում հանրապետությունում արձանագրվել է ճանապարհատրանսպորտային 14 պատահար. 20 մարդ ստացել է տարբեր աստիճանի մարմնական վնասվածքներ»: