«Սիրելիներս, հարգելիներս, այ ձեր ցավը տանեմ, կարող եք իհարկե շարունակել քննադատել (միտումնավոր մանիպուլացնելով, թե իսկապես հարցի մեջ մի փոքր անգամ չխորանալով՝ էական չի), բայց ախր ինչքան հնարավոր է պարզ եմ ասել՝ ԲԱՑԱՌՎՈՒՄ Է, որ առանց մարդկանց համաձայնության հարկային բեռ ավելացվի, ախր էլ ոնց ասեմ»:
Նման գրառում է կատարել առաջին փոխվարչապետի պաշտոնակատար Արարատ Միրզոյանը` անդրադառնալով այս օրերին բուռն քննարկման առարկա դարձած հարկման թեմային, որը որոշ լրագրողների կողմից կնքվել է որպես «խոպանչիներին հարկելու» նախագիծ:
Միրզոյանը գրել է, որ քննարկվող գաղափարը հայտարարագրումն է, ոչ թե հարկումը։
«Ու այստեղ ամենակարևորը՝ հայտարարագրման ժամանակ հեչ պարտադիր չէ, որ հայտարարագրված գումարը հարկվի»,- գրել է Միրզոյանը։